Monday, June 12, 2023
Thursday, June 8, 2023
කුමාරතුංග මුනිදාස
.jpg)
1887 ජූලි 25 වැනිදා දකුණු පළාතේ මාතර, දික්වැල්ලේ දී කුමාරතුංග මුනිදාස මහතා උපත ලැබීය. පළන්වින්නේගේ මුනිදාස කුමාරතුංග යන උප්පැන්න සහතික නාමය පසු කාලයේදී කුමාරතුංග මුනිදාස, කුමාරණතුංග, කුමාරතුඟු මුනිදස් ආදී වශයෙන් වරින්වර වෙනස් විය. දැනට කුමාරතුංග මුනිදාස විදුහල නමින් හැඳින්වෙන මොග්ගලීපුත්ත තිස්ස විදුහලේ ඉගෙනීමෙන් අනතුරුව කොළඹ රජයේ ගුරු අභ්‍යාස විද්‍යාලයේ ද්වි භාෂා අංශයෙන් පුහුණුවක් ලැබීය.
මෙතුමා ග්‍රන්ථකරණයට පිවිසියේ 1917 දී පළ කළ '' සාමාන්‍ය දැනීම ප්‍රශ්න" නම් කුඩා පොතිනි. පසුව පැරණි පොත් වලට ලියූ විවරණ ග්‍රන්ථ 37ක් ද අලුතින් නිපැයූ පොත් 38ක්ද සංස්කරණයන් 26ක්ද ඉංග්‍රීසි බසින් කළ හේළියෝ සඟරාව ද ඇතුලුව කෘති 102 ක් දායාද කළ හ.
'' හා හා හරි හාවා, තොටිල්ල සැම සුව පිරී - පැද්දෙයි තාලෙට සරී, ගස වතුසුදු - වී පිරිසිදු - පොහොය නැතිදු සිල් ගත් බඳු '' මෙවැනි ළමා ගීත තුළින් ළමයාට සුන්දර ලොවක් බිහි කර දී තිබේ. මෙතෙක් කුමාරතුංග මහතාගේ නිර්මාණ අභිබවා යාමට සමත් ළමා නිර්මාණ බිහි වී නැත.
එතුමා '' ඉදිරියට යව් හෙළයිනි ඉදිරියටමැ යව්'' ආදී වශයෙන් දේශය පිළිබඳ අභිමානයක් ගෙන දෙන ගීත ලාංකික ගී සාහිත්‍යයට එකතු කර තිබේ.
1939 දී ඇරඹි '' සුබස'' සඟරාව තුළින් ද කුමාරතුංග මහතා භාෂා පෙරලියකට මඟ හෙළි කළේ ය. එතුලින් සමකාලීන භාෂා ගැටලු විසදීමට මගපෙන්වීමක් ද කළේ ය.
සාහිත්‍ය විවාද රාශියකට සහභාගී වූ එතුමා '' කුකවි වාදය'' නැමති වාදයෙන් සාහිත්‍ය ක්ෂේත්‍රය තුළ විශාල ප්‍රබෝධයක් ඇති කළේ ය.
සංස්කරණය කොට විවරණ සහිතව පළ කරන්නට යෙදුණු ග්‍රන්ථ සංඛ්‍යාව 25 කට අධිකය. අලුතින් ලියන ලද ගද්‍ය පද්‍ය කෘති සංඛ්‍යාව ද 30කට අධික වේ. ඒවා නම් ශික්ෂාවතාරය, ශික්ෂා මාර්ගය, කුමර ගී, සංස්කෘත ශික්ෂා මාර්ගය, හත්පණ, මඟුල් කෑම, හීන් සැරය, සුර කුමරිය, ශික්ෂා රත්නාකරය, ක්‍රියා විවරණය, ප්‍රබන්ධෝපදේශය, ප්‍රබන්ද සංග්‍රහය, කවි ශික්ෂාව, අකුරු සැහැල්ල, පිය සමර, කුමාර පද්‍ය සංග්‍රහය, කුමාර ව්‍යාකරණය, කියවන නුවණ, හෙළ මියැසිය යනාදිය යි.
අභාවයෙන් මතු මුද්‍රණයෙන් පළ වූ ගද්‍ය පද්‍ය නිර්මාණ සහ ලිපි ලේඛන ද රාශියකි. කුමාරතුංගයන්ගේ සියලු පද්‍ය රචනා එක්තැන් කළ කෘතියක වෙළුම් දෙකක් සංස්කෘතික කටයුතු දෙපාර්තමේන්තුව විසින් 1970 දී 1992 දී පළ කරන ලදි. එය 'කුමරතුඟු පැදි එකතුව' නම් වේ.
කුමාරතුංග මහතා සිංහල භාෂාව වෙනුවෙන් මුළු ජීවිත කාලයම කැප කළේ ය. එතුමන් විසින් අපට දෙන ලද භාෂාමය සාහිත්‍යමය හා ජාතික ආගමික දායාදයන් නිසා අපි තවමත් සිංහලයන් ලෙස සිටින්නෙමු.
කුමාරතුංග මුනිදාසයන් රෝගාතුරව සිට 1944 මාර්තු 02 වැනි දා පානදුරේ පල්ලිමුල්ලේ දී මිය ගියේ ය.
Wednesday, June 7, 2023
අධ්‍යාපනය යනු කුමක්ද?
අධ්‍යාපනය යනු කුමක්ද?
v
vවිද්‍යාඥයාට අනුව අධ්‍යාපනය පිළිබඳව ප්‍රධාන කරුණු හතරක් යටතේ විග්‍රහ කරයි.
v Education - ඉගෙනීමේ ක්‍රියාවලිය.
v Educere - මග පෙන්වීම හෝ එලියට ගැනීම.
v Educare - ඇති දැඩි කිරීම පුහුණු කිරීම, පුහුණු කිරීම.
v Educo - ඉදිරියට යොමු කිරීම සාරය එළියට ගැනීම.
අධ්‍යාපනය පිළිබඳ විවිධ දාර්ශනිකයන් විවිධ අදහස් පළකර ඇත. එම අදහස් අතර සමාජය තුළ සිදුවන ක්‍රියාවලියක් වශයෙන් මෙම අධ්‍යාපනය දෙස විද්‍යාත්මකව දෘෂ්ටිකෝණයෙන් ප්‍රථමයෙන්ම අවධානය යොමුකරන ලද දර්ශනිකයා වශයෙන් ඩුවී (Duwey) පෙන්වා දිය හැකිය. නමුත් එම අදහස පිළිබඳ විද්‍යාඥයන්ගේ දැඩි අවධානයට යොමු වූ බවක් දක්නට නැත. ඩුවී ගෙන් පසු සමාජ විද්‍යාත්මක එළඹුමකින් අධ්‍යාපනය දෙස බලා එහි ඇති වැදගත්කම ප්‍රකාශ කළ දාර්ශනිකයා වසශයෙන් එමිල් ඩුර්කයිම් (Emile Durkheim) හා මැක්ස් වෙබර් (Max Weber) පෙන්වා දිය හැකිය. මෙම දෙදෙනා අතරින් අධ්‍යාපනයය පිළිබඳ වැඩි අවධානයක් යොමුකර ඇත්තේ එමිල් ඩුර්කයිම් විසිනි. මුල්කාලීනව අධ්‍යාපනය දෙස දාර්ශනික දෘෂ්ටි කෝණයෙන් බලා ඒ පිළිබඳ ඉදිරිපත් කර ඇති දාර්ශනික මත පහත අයුරින් පෙන්වා දිය හැකිය.
"අධ්‍යාපනය නිඵල දෙක් නොවන, අව්‍යතා හා කාලානුුරූපව නිරතුරුවම වෙනස්වමින් පවතින ක්‍රියාවලියක් බවයි” (එමිල් ඩුරක්හයිම් Emile Kurkheim 1857-1917)
සෑම පුද්ගලයෙකුටම ඔබින පරමාර්දරිශී අධ්‍යාපන ක්‍රමයක් නොමැති බවත්, සෑම සමාජයක් තුළම අධ්‍යාපන පද්ධතිය බොහෝ දුරට තීරණය වන්නේ, ඒ ඒ සමාජවල ඇති සමාජ-සංස්කෘතික විවිධතා හා අවශ්‍යතා අනුව බවත් ඔහුගේ විශ්වාසයයි, මේ පිළිබඳව තවදුරටත් අදහස් දක්වන ඔහු සඳහන් කර ඉහත අයුරින් පෙන්වා දිය හැක.
"අධ්‍යාපනය සමාජ විද්‍යා ශික්ෂාව සැලසුම් වී ඇත්තේ අනාගත ක්‍රියාවන් සඳහා අධ්‍යාපනඥයන් සූදානම් කිරීම් බවයි.” (ෂැනන්කී Zanieki 1882-1958)
මෙම ලේඛකයාට අනුව, සමාජ විද්‍යා පර්යේෂණ මගින් ලබාගන්නා දැනුම අධ්‍යාපන ක්‍රියාදාමය සැලසුම් කිරීම හා එම සැලසුම් ඵලදායි ලෙස ක්‍රියාවට නැංවීම සඳහා යොදාගත ගත හැකි ය. ඒ් හේතුව නිසාම එය ව්‍යවහාරික විද්‍යාවක් බවට පත්වෙන බව ෂැනන්කගේ නිගමනයයි. මෙයින් පැහැදිලි වන්නේ අධ්‍යාපන සමාජවිද්‍යඥයාගේ මූලික අරමුණ අධ්‍යාපනය කුමක් ද යන්න අධ්‍යාපනඥයින්ට අවබෝධ කරීමත් සමාජයේ අවශ්‍යතා පිරිමැසෙන පරිදි එය සංවිධානය වී ඇති ආකාරය හැදෑරීමත් බව පෙන්වා දෙයි.
සමාජ ස්ථර ක්‍රමය තවදුරටත් තහවුරු කොට පවත්වාගෙන යාම සඳහා අධ්‍යාපනය භාවිතා කරන බව අධ්‍යාපන සමාජ විද්‍යාව තුළ පැහැදිලි වන බව ඔවුන්ගේ අදහස විය. අධ්‍යාපනය විද්‍යාවේ සංවර්ධිත යුගය ආරම්භ වන්නේ 1960 කාල වකවානුවෙන් පසුවය. මෙම කාල වකවානුවෙන් පසුව අධ්‍යාපනය පිළිබඳව ඉදිරිපත් වී ඇති නිර්වචන කීපයක් පහත අයුරින් පෙන්වාදිය හැකිය.
“අධ්‍යාපනයේ උත්තරීතර අගය නම් ගූණ දහමින් යුත් හදවතක් ඇති පුද්ගලයෙකු තැනීමයි” (කොන්පියුසස් තුමා)
“අධ්‍යාපනය මගින් සාවද්‍ය දේවල් ඉවත් කරමින් සත්‍ය අනාවරණය කොට ගත යුතුය” (සොක්‍රටීස්)
පුද්ගලයාට නිසියාකාරව යමක් පිළිබඳව අවබෝධය ලබා ගැනීමට හැකියාව ලැඛෙන පරිදි අත්දැකීම් තුළින් ඔහු සංවර්ධනය වීම, එසේ කිරීමට නම් පුද්ගලයාට සත්‍ය අනාවරණය කරගෙන සිටිය යුතුයි බව ඔහු වැඩි දුරටත් පෙන්වා දෙයි.
පෙරදිග චින්තනයයට අනුව “අධ්‍යාපන පරමාර්ත වන්නේ විනය හෙවත් හික්මීමයි.” ඒ බව පහත නිර්වචනයෙන් පෙනීයයි. පෙරදිග චින්තනයට අනුව “අධ්‍යාපන පරමාර්ථය වන්නේ විනය හෙවත් හික්මීමයි. පුද්ගලයා උපතේ සිට මරණය දක්වා ආධ්‍යාත්මික වශයෙන් ද, චර්යාමය වශයෙන් ද, ප්‍රායෝගික ක්‍රියාකාරකම් වශයෙන් දපුද්ගලයෙකු ලබන පුහුණුව හා හික්මීම අධ්‍යාපනය යන්නේ අර්ථවත් වේ.”
“අධ්‍යාපන ක්‍රියාවලියේ අවසානයක් නැත. මාධ්‍යක් නැත. යන දෙකම එකක් වේ. අධ්‍යාපනය දිගටම වැඩෙන්නකි.”
(law lance Elikadeth)
බෞද්ධ දර්ශනයට අනුව අධ්‍යාපනය යන්න පිළිබ`දව මෙසේ අදහස් පෙන්වා දිය හැකිය. “අධ්‍යාපනය භාවයෙන් භවයට යන අද්දැකීම් මාලාවකි.”
ඒ අනුව අධ්‍යාපනය යනු පුද්ගලයෙකු යථා තත්වයට පත්කිරි මේ ක්‍රියාවලියක් බව මෙයින් අදහස් කරයි.
ඉහතින් සඳහන් සමස්ථ නිර්වචන සියල්ලටම පොදු නිර්වචනයක් උපාලි සේදර විසින් ඉදිරිපත් කර ඇත. “අධ්‍යාපනය යනු අපේක‍ෂික දිශාවක් කෙරෙහි ශිෂ්‍ය චර්යාවන් හෙවත් හැසීරිම් වෙනස් කිරීමේ ක්‍රියා පද්ධතියකි.”
මෙලෙස පුද්ගලයා අධ්‍යාපනය ලබාගන්නා ආකාරය 03ක් අධ්‍යාපන විද්‍යාව තුළ දැකිය හැකිය.
v විධිමත් අධ්‍යාපනය
v අවිධිමත් අධ්‍යාපනය
v නොවිධිමත් අධ්‍යාපනය
ඉහත සදහන් අධ්‍යාපන ක්‍රම 03ට අමතරව නව සංකල්පයක් ඉදිරිපත් වී ඇත. එනමුත් ඒ නිවැරදි අර්ථයක් සිංහල භාෂාවෙන් ඉදිරිපත් කර නැත. self-taught qutodidctic තමාට තමාම උගන්වා ගැනීම දල අදහසකි.
මෙකි සියළු නිර්වචනයන් පොදුවේ ගෙන සලකා බලන විට අධ්‍යාපනය යන්න දිය හාකි වඩාත්ම ගැලපෙන පොදු නිර්වචනය මෙසේ ඉදිරිපත් කර හැකිය. “පුද්ගලයෙකු උපතේ සිට මරණය දක්වා බාහිර අභ්‍යන්තර චර්යාවන් හැඩ ගැස්වීම කෙරෙහි ලබා ගන්නා අද්දැකීම් හා ලැඛෙන්නා වු අත්දැකීම් ලබාගන්නා වු ක්‍රියාවලිය අධ්‍යාපනයයි.” මෙහිදි ප්‍රජානන ආවේචන මනෝචාලක (හිස හදවත අත) යන කෙෂ්ත තුනම සංවර්ධනය වීම අපේක‍ෂා කෙරේයි” යනුවෙන් පෙන්වාදිය හැකිය.
Tuesday, May 30, 2023
මන්දපෝෂණය
මන්දපෝෂණය
වර්තමානයේ මුහුණ දෙන ප්‍රධාන ගැටලුවක් වී ඇත්තේ මෙම මන්දපෝෂණ තත්ත්වයයි. මෙම මන්දපෝෂණය මනින ප්‍රධාන ක්‍රම තුනක් පවතී.
1. බර මැනීම
2. උස මැනීම
3. උසට සරිලන බර
එසේ ම මන්දපෝෂණය ඇති වන විධි කිහිපයක් පවතී.
1. කැලරි ඌණතාවය, ප්‍රෝටීන් ඌණතාවය නිසා ඇති වන මන්දපෝෂණය
2. ක්ෂුද්‍ර රසායන අංශු නිසා ඇති වන මන්දපෝෂණය
මන්දපෝෂණය කායික මන්දපෝෂණය සහ මානසික වර්ධනය ලෙස දෙයාකාර වේ. මවකගේ කුස තුළ වර්ධනය වන කාලයේ දී මවගේ පෝෂණය දරුවාගේ කායික වර්ධනයට මෙන් ම මානසික වර්ධනයට ද බලපානු ඇත.
මවගේ පෝෂණය ඉතා අඩු මට්ටමක පවතී නම් කළලයේ කායික සහ මානසික වර්ධනය ඉතා අඩු ය. පුද්ගලයෙකුගේ මානසික වර්ධනයට ප්‍රධාන වශයෙන් ප්‍රෝටීන් මෙන් ම ක්ෂුද්‍ර අංශූ සහ මේදය ප්‍රධාන සාධකයන් ලෙස බලපානු ඇත. සාමාන්‍ය දරුවෙකුගේ මොළයේ වර්ධනයට අවශ්‍ය බුද්ධි වර්ධනය පළමු අවුරුදු දෙක තුළ සිදු වේ. එම කාලය තුළ පෝෂණ ඌණතාවයක් ඇති වුවහොත් ඒවා බාහිර සාධකයන් ලෙස නොපෙනිය හැකි ය.
පුද්ගලයෙකුගේ කායික වර්ධනය පිළිබඳ අවධනය යොමු කිරීමේ දී කළල අවස්ථාවේ සිට ළදරු අවධියේ දී දෙන ආහාරයන්හි පෝෂණය ඒ හරහා ප්‍රබල බලපෑමක් ඇති කරනු ඇත. විශේෂයෙන් දරුවෙකුගේ සමබරතාවය ආරක්ෂා කර ගැනීම සඳහා අවශ්‍ය වන සාධකයන් අවම වීම හේතුවෙන් දරුවගේ උස, බර, උසට සරිලන බර ආදියෙහි විශේෂ වෙනස්කම් දැකිය හැකි ය. විශේෂයෙන් ම දරුවෙකුගේ උස කෙරෙහි පෝෂණ තත්ත්වයන් බලපානු ලබයි.
උදාහරණයක් ලෙස ජපන් ජාතික දරුවන් මිටි ජාතියක් බව අතීතයේ දී හඳුනාගෙන තිබුණු අතර පසුකලෙක ඔවුන්ගේ ආහාර වේලෙහි කරන ලද වෙනසත් සමඟ අද වන විට ජපන් ජාතිකයන් මිටි ජාතියක් ලෙස නොසලකනු ඇත. එයින් පැහැදිලි වනුයේ පෝෂණ තත්ත්වයන් මත දේහ ලක්ෂණ වෙනස්වන බවයි.
රටක් තුළ ආර්ථික තත්ත්වය රටේ ජනතාවගේ පෝෂණය කෙරෙහි ප්‍රධාන වශයෙන් බලපානු ඇත. ආර්ථිකය පහළ මට්ටමක පවතින රටක පුද්ගල ආර්ථිකය ද ඉතාමත් පහළ මට්ටමක පවතිනු ඇත.
ආර්ථිකය පහළ බැසීමත් සමඟ රටක ආහාර සුලබ බව නැති වී යනු ඇත. එයට හේතුව නම් ආර්ථිකය කඩා වැටීම තුළ ආහාර ලබා ගැනීමේ හැකියාව අඩු වී තිබීමයි. ප්‍රමාණාත්මක ආහාර ලබා ගැනීම සහ ගුණාත්මක ආහාර ලබා ගැනීම පිළිබඳ ඇති හැකියාව අවම වීම රටක ආර්ථිකය කඩා වැටීම තුළ සිදු විය හැකි ය.
විශේෂයෙන් ගුණාත්මක ආහාර ලබා ගැනීමට ඇති හැකියාව අවම වීම හෝ නැති වී යාම ආහාර සුරක්ෂිතතාවය, ආහාර සුලබ භාවය නැතිවීම කෙරෙහි ප්‍රධාන වශයෙන් බලපානු ලබයි. විශේෂයෙන් ආහාර මිල ඉහල යාම නිසා එම ආහාර ලබා ගැනීම සීමා කිරීම හෝ ලබා නොගැනීමට තීරණය කිරීම මේ වන විට ලංකාව තුළ සිදු වේ. පසුගිය සමය තුළ සිදු වූ ආර්ථික උද්ධමනයට සාපේක්ෂව ආහාර මිල ගණන් තුන් ගුණයකින් පමණ ඉහළ ගිය ද පුද්ගලයින්ගේ ආදායමේ ඉහළ යාමක් දැකිය නොහැකි විය. එසේ මිල ඉහළ යාම නිසා මිනිසුන් ගුණාත්මකභාවයට වඩා ප්‍රමාණාත්මක බවින් යුතු ආහාර ගැනීමට යොමු විය.
එක්සත් ජාතීන්ගේ සංවිධානයේ පර්යේෂණ වලින් ඔප්පු වී ඇත්තේ ශ්‍රී ලංකාවේ මිලියන 5.7 ආහාර සුලබව ලබා ගැනීමේ ගැටලුවක් පවතින බවත් එය සමනය කිරීම සඳහා ඇමරිකානු ඩොලර් මිලියන 47ක මුදලක් ලෝකයෙන් අපේක්ෂා කරන බවයි.
මන්දපෝෂණ තත්ත්වය අතින් ලංකාව ලෝකයේ හතරවන ස්ථානයටත් දකුණු ආසියාවේ දෙවන ස්ථානයටත් මේ වන විට පත්ව ඇත. මෙම තත්ත්වය අද හෝ ඊයේ වූ දෙයක් නොවේ. මෙය කාලාන්තරයක් තිස්සේ මෙරට සමාජ, ආර්ථික, දේශපාලන තත්ත්වයන්ට මුහුණ දීමේ සහ හුවමාරුවීමේ ප්‍රතිඵලයක් ලෙස ඇති වූවකි. මෙම තත්ත්වය විසඳීම සඳහා අද වනවිටත් කිසිඳු ආණ්ඩුවක් සහය නොදක්වනු ඇත. මාධ්‍ය සාකච්ඡා පැවැත්වුවද මන්දපෝෂණය පවතින්නේ ද නැද්ද යන්න මිසක් ආහාර අර්බුදය, ආහාර සුලබතාවය, ආහාර සුරක්ෂිතතාවය පිළිබඳ සාකච්ඡාවක් වශයෙන් නොවේ.
වර්තමානයේ පවතින කාර්‍යබහුල ජීවන රටාව හේතුවෙන් ජනතාව සාම්ප්‍රධායික ආහාර රටාවලින් ඈත් ව ක්ෂණික, කෙටි ආහාර රටාවකට යොමු වී ඇත. අධික ලෙස සීනි අඩංගු පෝෂණ කොටස් අඩු මෙම ආහාර රටා තුළ ළමා මන්දපෝෂණය දිනෙන් දින ඉහළ යමින් පවතී. ළමා මන්දපෝෂණය අඩු කිරීමට ශ්‍රී ලංකාව කෙතරම් පියවර ගෙන තිබුණ ද ඒවා කෙතරම් ඵලදායී ද යන්න ප්‍රශ්නාර්ථයක් බව ලෝක බැංකුව පවා පෙන්වා දෙන ලදි.
Subscribe to:
Posts (Atom)
-
මන්දපෝෂණය වර්තමානයේ මුහුණ දෙන ප්‍රධාන ගැටලුවක් වී ඇත්තේ මෙම මන්දපෝෂණ තත්ත්වයයි. මෙම මන්දපෝෂණය මනින ප්‍රධාන ක්‍රම තුනක් පවතී. 1. බර මැනීම 2.... -
අධ්‍යාපනය යනු කුමක්ද? අධ්‍යාපනය යනු කුමක් දැයි සොයා බැලීමට ප්‍රථමයෙන් අධ්‍යාපනය යන වචනය සෑදී ඇති ආකාරය පිළිබඳ අවධානය යොමු කර කළ යුතුය. Edu...
